सुर्य, नदी र म
अनि हाम्रो अनन्तकोटि सम्बन्ध
ब्रह्ममुहुर्तमा सुर्यसंगै उदाएर
सुसांउदै बगेकि कालीगङ्गासंगै
जीवनका अनगिन्ति बगैंचामा
जिवन्तताका पुष्प फैलाएर
एक दिन
र एक दिन
सन्ध्यामा तेज गुमाएर
क्षितिजमा हराएको सुर्यझैं
चिर समाधी र अग्नीको अंगालोबाट
कालीगङ्गाको स्नेहशिल कोखमा समाहित हुन्छु
अनि पुन
ब्रह्ममुहुर्तको तेज किरणसंगै
हिमलयबाट मूल फुटेका
ति जलधारासरि
म पुन उदाउने छु
आखिर युगौँ युगसम्म धर्तीमा
प्रकाशका चक्र चलायमान राख्नु जो छ
जलधारा बहाउँदै
जीवन्तताका पुष्प जो फैलाउनु छ
सुर्य, नदी र मेरो संबन्ध अमर जो तुल्याउनु छ
No comments:
Post a Comment